Даваа - Баасан 09:00-18:00 | Утас: 76003366, 94192514

Leather Mongolia

Be Natural

Be natural

Монгол малчдаас үндэсний үйлдвэрүүдэд нийлүүлж боловсруулсан арьс ширээр бид эцсийн бүтээгдэхүүн урлаж гадаад, дотоодын хэрэглэгчдэд хүргэдэг нь дэм дэмэндээ хөгжих боломжийг харуулж буй жишээ юм. Энэ утгаараа бид өөрсдийн  Be Natural цуврал бүтээгдэхүүнүүдээ “Баялаг түгээгч” хэмээн тодорхойлдог.

Ургамлын идээлгэтэй арьс

Байгальд ээлтэй хүний биед сөрөг нөлөөгүй ургамлын идээлгэт арьсыг ЛеМон брэнд онцгойлон Be Natural цуврал бүтээгдхүүндээ сонгон ашиглаж байна.

Хүн төрөлхтний эрт дээр үеэс арьс ширийг боловсруулдаг уламжлалт арга болох зарим төрлийн ургамлаас ялгарах таннины хүчлийн давуу талыг ашиглаж модны холтос, мөчир жимс жимсгэнийг ашиглан хүний биед хортой химийн бодисгүй боловсруулсан арьсыг ургамлын идээлгэтэй арьс гэдэг.

Ийм төрлийн арьс үйлдвэрээс гарахдаа нэмэлт будагч бодисгүй буюу арьсны өөрийн өнгөөрөө боловсруулагддаг бөгөөд бага зэрэг цайвар шаргал өнгөтэй модлог, шороон үнэртэй байдгаараа онцлог юм.

100% гараар хийгддэг

“Be Natural” цуврал бүтээгдэхүүнийг эсгэх, оёх үйлдэл 100% гараар хийгддэг ба арьсны онцлог хээ, хэв шинж нь өөр өөр байдаг нь хэрэглэгчийн гар дээр очих бүтээдэхүүн бүрийн загвар ижил боловч дахин давтагдашгүй цорын ганц шинж чанарыг бий болгодог.

Ургамлын идээлгээр боловсруулсан арьсны өнгө нь эдэлгээний явцад өөрийн гэсэн өвөрмөц өнгөөр хувиран өөрчлөгддөг онцлогтой бөгөөд хуучрах тусам сэтгэлд хоногшсон хамгийн нандин хэрэглээ болдог давуу талтай.

Leather Mongolia